India leh Jamaica thlahpawlh, Kamala Harris chuan kum 2020-a US President inthlanna lo awm turah chuh a tum.

0
2786
views

Kum 54 mi, Kamala Harris hi a nu India mi leh a pa Jamaica mi a ni a, prosecutor hlui a ni a, Senate-a kum 2 a awm hnuah inthlanna hi chuh ve a tum a ni. Juan Rodriguez-a kaihhruaina hnuaiah Baltimore leh Oakland-ah a campaign ang.

Kamala hian campaign thupui atan inpumkhatna lam hawi “For the People” tih a thlang a, mipui te inhmelhriattir nan campaign bu “The Truths We Hold” tih chu Jan ni 8 khan a lo chhuah tawh a ni. A chawr chhuahna avang hian Kamala thlawptute chuan Barack Obama nena khaikhinin “the female Barack Obama” tiin an ko a. Kamala Harris hi thlantlin anih chuan Us President hmeichhe hmasa ber bakah, Asia mi hmeichhe hmasa ber leh Africa mi America-a piang hmeichhe president hmasa ber a ni thei dawn a ni.