Kerala-a cheng mi 7, Mumbai-a cheng mi 2 leh Bengaluru leh Hyderabad mi 1 ve ve te chu China a\angin an rawn thlawk haw a, nawmsam lohna an neih vangin an natna hi enfiah tura dah hran rih an ni.
India-ah hian China leh Hong Kong-a zin mi 20,000 vel an rawn thlawk haw a, airport-ah an vai hian enfiah vek an ni.
Union Health Ministry chuan Kerala-ah mi 80 vel endik an ni a, chung zinga mi 73 te chuan natna an nei lo tih finfiah a ni tih a tarlang a, rinhleh 7 zinga 1 chu coronavirus lan chhuah danin a taksaah lang chhuak lo mah se, a ngaih\hat lutuk loh vangin damdawi inah dah luh a ni tho niin a tarlang bawk.
Delhi-a All India Institute of Medical Sciences chuan conoravirus vei nia rinhlehte dahna tur ward a hranin a siam a ni. Hetihlai hian Kerala sorkar pawhin hetiang natna vei nia inringhlelten rang taka an hriattir theihna tur phone a buatsaih bawk.
China-a coronavirus leng vang hian mi 41 an thi tawh a, mi 1,300 velin an kai tawh bawk. He natna hi Asia khawmualpui \henkhatah te, US leh Europe-ah te pawh a \aidarh tawh a ni.
