India mi Coronavirus kai tawh zawng zawng chu mi 276 an tling tawh a, chung zinga mi 255 te chu Iran-a awm an ni a, 12 te chu United Arab Emirates-a awm niin, 5 te chu Italy-a awm an ni a, Hong Kong, Kuwait, Rwanda leh Sri Lanka-ah mi 1 theuh kai an awm bawk.

0
38
views

Ram pawna India mi kai te bakah hian ram chhunga kai zat chu mi 147 an tling tawh a ni.

Sorkar laipui chuan he natna kai tawh finfiahna thar lam ber hi Lok Sabha a hriattir a ni.

Kum 34-a upa, Ladakh Scouts-a mi chu Indian Army zinga coronavirus kai hmasa ber a ni tih tukin khan finfiah a ni a, ram chhungah Covid-19 vei thihpui tawh mi 3 awmin, kai zinga mi 14 te chu an dam leh tawh a ni.

Snow Warriors tia hriat, Covid-19 vei sipai hi khung hran nghal a ni a, hetihlai hian Saudi Arabia a\anga haw, Union Minister hlui, Suresh Prabhu chu covid-19 enfiahnaah a kai lo tih finfiah nimahse ni 14 chhung a inkhung hrang dawn a ni.

West Bengal khawpui Kolkata-ah pawh England a\anga haw kum 18 mi chu Covid-19 vei tih finfiah a ni a, West Bengal-a Covid-19 vei hmasa ber nia hriat a ni.

January ni 21 a\anga ram chhunga Covid-19 vei leh vei lo sample enfiah tawh zawng zawng chu 11,500 a tling tawh a ni.

Tun dinhmunah ram danga zin te chauh enfiah tawh lovin, Covid-19 taksaa a lanchhuah dan anga awm te pawh hmanrua-in daih se chu enfiah zel ni se tih chu duhthusam a ni tih ICMR Director General Balram Bhargava chuan a sawi.