India rama Rohingya Muslim-te chu raltlan ni lovin, Myanmar atanga dan lova lo lut ngei an ni- Union Home Minister

0
639
views

Union Home Minister, Rajnath Singh-a’n India rama Rohingya Muslim-te chu raltlan ni lovin, Myanmar a\anga dan lova lo l<t ngei an ni, a ti a, Myanmar sorkar pawhin hruai kir a inhuam thu a sawi tawh avangin, sorkarin thawn kir a tumna pawh sawisel chhan tur a awm lo, a ti bawk. Minister chuan, Rohingya Muslim-te hi dan angin India ramah an lo l<t lova, humhimna an dil hek lova, raltlan chu ni se humhimna an dil ngei tur a nih avangin, dan bawhchhiaa lo l<t ve mai an ni, a ti a, hetiang mi, Rohingya Muslim 40,000 vel, India rama awmte chu thawn tir an ni dawn tih a sawi bawk. Ram dangte leh pawl \henkhatin sorkar laipui thil tum an sawisel chungchangah, Myanmar sorkar berin lo pawm a inhuam chuan, thawn kir hi sawisel chhan tur a awm lo, a ti a, Thawh\anni khan sorkar laipui chuan, Rohingya ho leh Pakistan rama mi firfiakte inzawm dan pawh a r<k deuha a la hrilh tur thu, Supreme Court a lo hrilh tawh a ni. Sorkar laipuiin Rohingya mite thawn kir a tumna hi Supreme Court-ah Rohingya aiawhten an khing a, Bengal-a hmeichhia leh naupang chanvo humhalhtu pawl pawhin thu an thehl<t bawk a, hei hi Supreme Court-ah a inchiah mek a ni. Home Ministry erawh chuan Rohingya Muslim-te hi thawn kir ngei an \ul tih court chu a hrilh a, Myanmar a\anga Bangladesh-a l<t, chuta \anga India rama lo l<t an tam avangin, ram himna atan pawh hei hi a \ul niin a sawi. Home Ministry chuan kum 4 kum 5 vel kal ta a\ang khan India ramah hian dan lo angin Rohingya Muslim-te hi an lo l<t nia sawiin, tun hnai buaina thil chauh a ni lo tih a sawi a, October ni 3-ah hemi chungchang hi court sang berah ngaihtuah leh a ni dawn a ni.