India rama sava chi hrang hrang awm zingah zaa 79 lai chu an tlem tial tial tih zirchianna a\anga hmuh a ni a, hetihlai hian India national bird, Arawn erawh an pung thung.

Ram pumah Chawngzawng awm zat chu a pangngai a ni a, thingtlang lamah an pung hret a, khawpui lian zualah erawh an tlahniam hret thung tih State of India’s Birds Report 2020 ah tarlan a ni.

Report-a tarlan danin india rama sava chi hrang 867 te dinhmun zirchiannaah zaa 79 chu tun dinhmunah an tlem tial tial a, zaa 50 chu hun lo kal leh turah an tlem tial tial dawn nia hmuhlawk a ni. Sava chi hrang 101 zet chu humhalh ngaia puan a ni.