US President, Donald Trump-a’n vawiin khan India rama US palai thar atan kum 62 mi, Kenneth Juster-a ruat a tum thu a sawi a, July thla khan White House chuan Juster-a hi India rama America palai thar tur a ni tih a lo sawi tawh a ni. Juster-a hi International Economic Affairs lama President Trump-a Deputy Assistant leh National Economic Council Deputy Director a ni a, kumin January ni 20-a US President atana Donald Trump-a lak luh a nih atang khan India rama US palai hna hi tun thlengin a ruak a, Juster-a hi ruat a nih chuan US palai hlui, Richard Verma-a a thlak dawn a ni. Juster-a hi US-a dan lam zirna hmunpui tha bera ngaih, Harvard Law School atanga zir chhuak a ni a, Harvard hnuaia John F Kennedy School of Government-ah MA a zir chhuak bawk a, India ram chungchang leh India sorkar inrelbawlna lama thiamna sang tak nei a ni bawk.
Chanchin Thar India rama US palai thar atan Kenneth Juster ruat tum a ni
