Indonesia-a Lombok tumhmun khar leh

0
436
views

Indonesia sorkarin tlangkang avanga a khar, Bali \umhmun a hawn leh hnuah, Mount Agung tlang kang avang bawkin Lombok \umhmun a khar leh. Lombok \umhmun pawh hi Thawh\anni khan khar a lo ni tawh a, tlangkang hian a tibuai nasa lutuk lo nia an hriat avangin Thawhlehni khan hawn leh a ni a, he khawpui hi Bali ang thoin, zin veivakten an tlawh nasa hle a, Bali \umhmun khar a nih chhung pawh khan Bali-a \um tur thlawhnate chu Lombok-ah hian \umtir a lo ni tawh a ni. Mount Agung tlang kang hi inphuh chhuak mai thei dinhmunah a la ding reng a, Indonesia rama tlang kang 100 zinga pakhat a ni a, kum 1963 kha a inphuh chhuah hnuhnun ber a ni a, mi 1,500 an thi a ni.