Indopui pahnihna lehkha pawimawh, Argentina-in Israel pe

0
690
views

Indopui pahnihna laia lehkha pawimawh nuai khat chuang, Argentina-in Israel a pe a, Nazi sipaiten Juda mite an suat chungchanga thu pawimawh tam tak a tel avangin, Israel hian Nazi mi a zawn leh chhui mekte chungchangah pawh nasa takin a puih theih an beisei tih an sawi. Heng lehkha paiwmawhte hi digital-a dah \hat vek a ni a, Hard Disk panga-ah khungin, Argentina rama zin mek, Israel PM, Benjamin Netanyahu kutah President Mauricio Macri-a’n a hlan a ni. Indopui pahnihna-ah khan Argentina hi \an lam nei lo a ni a, indo tawp dawn hnaih lam khan Nazi sipai tam tak chu Argentina ramah hian an tlanchhia a, an zingah hian Juda mite suatna, Holocaust tia sawi, bul tumtute zinga mi, Adolf Eichmann pawh a tel a ni.