Pawngsualtute zingah hian 50 mi, catering contractor leh a fapa, dan zirlai pawh an tel a, an zinga naupang ber chu kum 16 mi a ni.
Police te chuan heng mite hi Inrinni khan an man a ni. He hmeichhe tleirawl hi kum 2018 March thlaa a nu-in a thihsan avangin a zirlai a zir chhunzawm thei lova, a pa chu sumdawnna in pakhat vengin zan lamah hna a thawk \hin a, amah hi an \henawmah nau awmin a inhlawh \hin a ni. A inhlawhna pa hian a mobile phone-ah mipat hmeichhiatna lam hawi video a entir \hin a, hemi hnu hian vawi engemawzat a pawngsual a, a fapa kum 23 mi, dan zirlai pawh a inhnamhnawih bawk a ni.
A thawhnate pafa-in an pawngsual hnuah he tleirawl hian school a kal laia a \hian kawm \hin chu \anpui tur leh a mobile phone hawh tir turin a dil a, amaherawhchu, a \hianpa, kum 16 mi hian school-ah bialpa a nei tih a pa hrilhah vau-in a lo pawngsual ve leh a ni.
Tleirawl mangang chuan a pa chu hrilhin, a pa chuan Police te a hriattir hnuah heng mite hi man a ni ta a ni. He thil thleng chungchang hi Madhya Pradesh Assembly-ah sawi chhuah a ni a, Child Right Protection Commission chuan an state-ah nikum chhung zawng khan naupang kumtling lo mi 6,794 pawngsual an ni tih an sawi.
