He team hian Bhadrak, Jagatsinghpur, Kendrapara leh Balasore district te an tlawh dawn a, district an tlawha thliin a tihchhiat zawng zawng an enfel hnuah sorkar laipuiah an thil hmuh dan an thlen leh dawn a ni.
Ministry of Home Affairs Joint Secretary Saheli Ghosh Roy-a’n heng mite hi hovin, pawl hnih, Group A leh B-ah an in\hen a, Group A chuan chandbali leh Basudevpur block huam chhung leh Balasore district-a Bhograi block te an tlawh dawn a, Group B chuan Kendrapara district-a Rajnagar block leh Jagatnsinghpur district-a Kujang leh Ersama block huam chhunga chhiatna thlen dan an enfiah bawk ang.
Cyclone Bulbul khan Odisha nuai lovin West Bengal leh Bangladesh tuipui kam lam nuai mahsela, a ken tel ruah tam tham tak a sur vang leh a siper Odisha-in a dawn angin chenna in tam tak a chhia a, thing kung leh electric ban engemawzat a a nuai chhe bawk a ni. Hei bakah hian Odisha-a leilet hectare nuai 3-a zau a tichhe vek a, loneitute thlai chin zaa 33 a chhia a ni.
