Kar kalta Ningani khan sorkar chuan shopping malls, restaurant, hotel leh sakhaw biakna hmunte hawn dan tur kalphung thar a ti chhuak a, thla hnih chhung ram pumah inkharkhip a nih hnuah inthlahdul thawh khatna hi hman \an a ni ta a, a tahtawla inthlahdul zel turin ruahmanna sorkar laipui chuan a duang a ni.
Uttar Pradesh-ah chuan Ayodhya temple pawh hawn a ni dawn a, March thla khan UP Chief Minister, Yogi Adityanath chuan Ayodhya temple-a lord Ram lim hlui, a thara thlakna tur lawmna a lo kaihhruai tawh a, tukin khan Gorakhnath temple-ah a \awng\ai bawk.
Hetihlai hian ram chhunga Coronavirus kai tamna ber state Maharashtra-ah chuan sakhaw hmun, hotel leh restaurant te chu hawn a ni ve dawn lo thung a, private office te erawh thawktu 10 vel zel office kal phalsak an ni a, Brihanmumbai Electric Supple leh Transport chuan hnathawktu tur an phur dawn a ni.
Tamil Nadu-ah pawh sakhaw hmunte khar chhunzawm zel a ni ang a, restaurant erawh an hawng dawn a ni.
