Inthlan hmabak Madhya Pradesh leh Rajasthan-a vote neitute hming inziahna list-ah dik lo a awm nual nia Congress-in a sawi chu thu dik tawk lo a nih thu leh midangte rilru lak pen tumna niin Election Commission, EC-in Supreme Court a hrilh.

0
301
views

 

Congress hruaitu Kamal Nath leh Sachin Pilot-te chuan Assembly inthlan hmabak state pahnih-ah hian vote neitute hming lang nawn a awm nual thu leh dik leh felfai taka inthlan a nih theih na atan Supreme Court hi an lo pun tawh a, hei vang hian EC hi insawifiah turin SC chuan a lo ti tawh a ni. Kamal Nath leh Sachin Pilot-a te ukul Abhishek Manu Singhvi chuan thla hmasa khan ama sum leh paiin Madhya Pradesh-a vote neitute hming list hi a lo endik tawh thu leh mi nuai 60 vel hming a chuang nawn niin a lo sawi tawh a, mahse Election Commission chuan hei hi hriat sual a nih thu leh an ngenna hi chhui zui tlak a nih loh thu Court thuneihna sang ber hi a hrilh ve thung a ni.