Inthlan thawh dang atan Political party te ngawrh takin an campaign chhunzawm zel.

0
385
views

Prime Minister Narendra Modi chuan Odisha leh West Bengal-ah vantlang inkhawm a huaihawt a, Congress President Rahul Gandhi chu Madhya Pradesh-a Rajasthan-ah a campaign a, BSP hotu Mayawati chuan Uttar Pradesh-a Farukhabad leh Hardoi-ah vantlang inkhawm a huaihawt bawk a ni.

PM Modi chuan Gandhinagar-a anu Heeraben Modi a tlawh hnuah thawh 3-na atan BJP hotu Amit Shah nen Ahmedabad-ah vote a thlak a, vote nei tharte hnenah thu sawiin Voter ID hian mifirfiakte hmanrua, bomb siamchawp IED aiin thil tihtheihna a ngah zawk a ni a ti.

Hetihlai hian Bollywood lemchan thiam Sunny Deol chuan a chhungte Dharmendra leh Hema Malini te zuiin BJP party a zawm thu a puang a, Modi hian ram tan a thawh \hat em avangin kum 5 dang ram hruaitu nih a phu a ni a ti.

Congress President Rahul Gandhi chuan vote nei thar te leh \halai rual te kutah India hmalam hun hi a innghat a ni a ti a, mitin tana dikna tungding turin vote an thlak a beisei thu a sawi a, Congress thupuangtu Randeep Surjewala chuan vote 1-in ram chu hmasawnna leh intluktlanna kawngah a hruai thei tih sawiin \halaite hmakhua atan te, lo neitute hmasawnna atan te, sumdawnna tenau ten hlawkna sang zawk an chan theihna tur leh chanhai zawkte dikna chanvo humhalh a nih theihna turin vote thlak \heuh a ngai a ni a ti a, Congress thupui, rorelna dik chu kalpui a ni dawn ta a ni a ti.

Hetih lai hian Congress chuan Delhi-a an candidate turte a puang bawk a, South Delhi bial-a ding turin Olympic medal dawng thei hmasa ber boxer Vijender Singh a ruat a, kum 20 chuang infiamna khawvel-a chen hnuah mipuite tana thawk thei tura vawrhchhuah a ni chu Congress, Rahul Gandhi leh Priyanka Gandhi Vadra te chungah a lawm hle tih a sawi.

Congress chuan East Delhi-ah Arvinder Singh Lovely, Chandni Chowk-ah JP Agarwal, North West Delhi-ah Rajesh Lilothia leh West Delhi-ah Mahabal Mishra te ding turin a ruat bawk a, Sheila Dikshit chuan North East Delhi bial a chuh dawn a, Delhi-ah hian May ni 12 khian vote thlak a ni ang.