Iran-ah hmeichhe Vice President pahnih ruat an ni

0
593
views

Iran President Hassan Rouhani chuan vawiin khan hmeichhe Vice President thar pahnih a ruat. Kumin May ni 19-a thlan tlin, President atana tum hnih thlan tlin tawh, Rouhani hi tunhnai khan Minister thar a ruat zingah hmeichhia an tel loh avangin sawisel a hlawh hle a, sakhuana leh politics chawhpawlh lo tura intiam chungin, muslim sakhaw hruaitute tih thinrim a hlau niin an sawi a ni. Rouhani-a’n Vice President atana a ruat te hi Massoumeh Ebtekar leh Laya Joneydi te an ni a, Ebtekar hi kum 1980 khan Iran rama US sorkar hmuna inbeihna thlengah khan thupuangtu atan hman a lo ni tawh a, Women’s Affairs a enkawl ang a, Joneydi hian Legal Affairs a enkawl bawk ang. Rouhani hian President a nih hmasak zawk khan hmeichhe Vice President pathum a lo nei tawh bawk a ni.