Iran-ah thlawhna chesual, mi 11 thi

0
513
views

UAE a\anga thlawk chhuak, mimal thlawhtheihna chu nimin khan Iran-ah a tla a, a chuang zawng zawng mi 11 an thi vek. Iran thuneitute chuan thlawhna tla-ah hian hnathawk mi 3 leh passenger 8 an chuang tih an sawi a, a khalhtu-in thlawh hniam a dil hnu lawkah a chin hriat theih lohin a awm zui tih an sawi a, thlawhna-a thil chhinchhiahna hmanrua, black box pawh an chhar tawh tih an sawi bawk a ni. UAE thuneitute chuan thlawhna-a chuang-te hi hnathawk pathum bakah, Turkey mi 6 leh Spain mi 2 an ni tih an sawi bawk a, an vai hian hmeichhia an nih thu leh an zingah hian thlawhna neitu, Basaran Investment Holding neitupa fanu, Mina Basaran pawh a tel vea an hriat thu an sawi bawk a ni. Mina Basaran hi pasal nei mai tur a ni a, UAE-ah hian pasal a neih hmaa a \hiante nen inkawm hlim turin an zin nia hriat a ni. Iran lam thuneitute chuan thlawhna black box a\ang hian a chetsual chhan an hriatchhuah thei an inbeisei tih an sawi a, mitthi-te ruang zawng tur helicopter pahih an tirhchhuah tawh thu an sawi bawk a ni.