Iran-in Iraq-a US inkhuarna hmun missile hmanga a beih hnu lawkah he passenger phur thlawhna hi a chetsual avang te, Iran chu US in a beihlet thulha inralring taka a awm lai a nih avang te in Iran hian he passenger phur thlawhna hi US indo thlawhna emaw tiin a kap palh a ni thei tih US media te chuan an sawi.
Thlawhna tlaah hian a chhunga chuang zawng zawng an thi vek a, thi zingah hian 82 chu Iran mi an ni a, Canada mi 63 leh Ukraine mi 11 bakah Sweden, UK, Afghanistan leh Germany mi te pawh an tel a ni.
CBS news chuan US intelligence a\anga an thudawn sawi chhawngin, satellite a\angin missile pahnih kah chhuah a ni tih hmuh a nih thu leh pakhat chu a puah thu an sawi. Hetihlai hian Newsweek chuan Pentagon leh US Intelligence hotute bakah Iraq thuneitute thusawi ziak chhawngin he thlawhna hi Russia siam, Tor Missile hmanga kah nia an hriat thu an sawi.
New York Times in video a tarlan pakhatah chuan zana missile thlawk lai leh Tehran khawpui chunga thlawhna a fuha a puak lai hi a lang a, thlawhna hi alh chungin a la thlawk chhunzawm zel a ni.
US President Donald Trump-a chuan thlawhna tlak danah rinhlelh a neih thu a sawi a, Ukraine President Volodymyr Zelensky chuan thlawhna tla chungchanga an thu hriatte an ram hriattir chhawng turin khawthlang lam ramte a ngen a ni.
US leh Iran inkar boruak \ang tak karah Iran chuan thlawhna-a thil thlen dan chhinchhiahna black box chu Boeing company kutah emaw US kutah emaw hlan a tum loh thu a lo sawi tawh a, Iran thuneitu pakhat chuan US chu thlawhna tlak dan chhuinaah tel tura sawm a ni tih a sawi thung a, US National Transportation Safety Board chuan a chhuichian hna thawktu tur an inruat tawh thu an sawi bawk.
