Iran Islamic Revolution Guards Corps (IRGC) chuan US tana enthlatu drone hi Iran thuneihna chin boruakah a thlawk niin an sawi a, US erawh chuan tuipui chung, tu tam ta bik mah ni lo, international water chunga thlawk a ni an ti thung. IRGC Commander-in-chief Maj Gen. Hossein Salami chuan drone an kahthlak tak hian Iran in a ram chin a humhalh tlat tih US a chiang takin a hriattir a ni a ti.
US lawng sipai Navy te chuan Gulf of Oman-a tuialhthei phur lawng pahnih beih a nih dan thlalak \henkhat an tih chhuahah heng lawng beitu hi Iran lawng sipaite an ni an ti a, Iran erawh chuan hei hi a pha thung a., US leh Iran inkar boruak \ang chho mekah hian US chuan sipai 1000 chu niminpiah lawk khan Middle East ah hian a tirh belh a ni.
