Iran tuialhthei phurtu lawng puak, kangmei nasa takin chhuak chhunzawm

0
487
views

Iran tuialhthei phurtu lawng, China vaukam hnaiha kang chu vawiin khan a puak a, lawng hma lam a chhe nual a, chhanchhuah hna thawk tumte pawh insaseng rih tura tih an ni. He lawng hian tuialhthei la thlitfim loh, ton 1,36,000 South Korea a panpui laiin, Hong Kong pan bungraw phur lawng lian nen Inrinni khan an insu a, kangmei nasa takin a chhuak zui a, lawng hnathawk 31 chu chin hriat lohin an la awm a, mi pakhat ruang chhar a ni tawh bawk. Lawng hnathawkte hi Iran mi 30 leh Bangladesh mi 2 nia hriat a ni a, lawng hma lam hi nimin khan na vak lo-in a lo puak tawh a, China Foreign Affairs Ministry chuan kang \helh tuma an beih mek thu leh lawng 12-in an vil reng thu an lo sawi tawh a ni. Thuneitute chuan lawng hi a pil mai an hlau hle a, tuialhthei hi a puh hlauh chuan, kum 1989-a tuialthei pût avanga chhiatna thleng la nasa ber, Exxon Valdez ai khan a let thum vela chhiatna nasa zawk a thleng thei dawn a ni. China mithiamte chuan lawng kangah hian tuialhthei pût tam zawk chu a kang zel tih an sawi a, mahse a tuialhthei phurh hi rim leh rawng nei lo a nih avangin, a puh dan chin chhui mai a harsa hle tih an sawi bawk a, lawng hnathawkte hi an dam leh dam loh hriat theih a la nih loh thu an sawi bawk.