Hemi hmalam hian US President Donald Trump chuan tun thla ni 8-a Iran-in US sipaite awmhmun khuarna a beih \um khan America mi hliam an awm lo tih a sawi a, Iran chu do let a tum loh thu a sawi bawk.
Kar kalta khan Pentagon chuan US sipai 11 te chu indona-in a nghawng kaihhnawihah enkawl mek an ni tih a puang ve thung a ni.
Switzerland Davos-a World Ecomic Forum neih mekah Trump chu Iraq-a US sipaite dinhmun zawh a ni a, Trump chuan sipaite chuan hliam na tak an tuar lo tih sawiin an lu a na satliah a, ngaihtuahawm an ni lo tiin a chhang a ni.
Zirtawpni khan Defence dept. thupuangtu, Jonathan Hoffman chuan US sipai 8 hliam na zual te chu \ha zawka enkawl an nih theih nan US-ah an thawn tih a sawi a, midang 9 te chu Germany-ah enkawl an ni a, Iraq-ah 16 leh Kuwait-ah 1 enkawl an ni bawk a, an zinga 17 te chuan an hna an zawm leh thei tawh tih a sawi.
