Islamic State mi firfiak pawl zawm vanga UK-in a khua leh tui nihna a hlihsak tak, UK-a kir duh leh ta si, Shamima Begum-i fapa kar 3 mi a thi vangin UK Home Secretary Sajid Javid-a’n sawisel a hlawh hle.

0
380
views

Kum 2015 khan Shamima Begum hian UK chhuahsanin IS mi firfiak pawl a zawm a, Dutch mi IS mifirfiak pasalah neiin, IS ram awp Baghuz-ah an cheng \hin niin a sawi a, an chenna hi a hrehawm em avangin fa pahnih a chân tawh niin a sawi bawk a, a fapa Jarrah a pian hnu khan UK-a kir leh a, a fapa chawilen a duhthu a sawi a, mahse a kir leh hi remtih a ni ta lo a, Home Secretary Sajid Javid thupek-in UK khua leh tui a nihna chu hlihsak a ni a, he a thupek hi a thlak theih nana Begum-i chhungte’n an beih mek laiin a fapa kar thum mi Jarrah chu pneumonia vangin a thi ta a ni. Begum-i lam\ang, an chhungkaw \hian Meropolitan Police Chief Superintendent Dal Babu chuan naute hi Begum-i khua leh tui nihna hlihsak a nih hmaa piang a nih vangin British mi-a ngaih a ni a ti ve thung a, Home office \anpuinain thihna a pumpelh theih reng laiin hma an la lo chu mak a tih thu a sawi bawk a ni. Shadow home secretary Diane Abbott pawhin Home Office chet dan hi a sawisel a, hawna tur nei loa mi siam chu dan kalh a nih thu leh British nu pakhat khua leh tui nihna hlihsak a nih vanga naute pawisawi lo-in a thih phah chu pawi a tih thu a sawi bawk a ni. Naute hi a thi tih hriat a nih hma khan Javid-a hian indona hmuna pianga cheng naupang pawisawilo te chu a lainat thu sawiin tu tan pawh indona hmun luhchilh a hlauhawmzia inhriat nawn tir lehna pawimawh tak a ni tih a sawi a ni.