Israel ah inthlanpui neih a ni a, hei hi thla 5 chhunga inthlanna buatsaih a nih vawi 2-na a ni.

0
373
views

April thla inthlannaah sorkarna siam theihna khawp \angho sorkar pawh din theih a nih loh avangin Prime Minister Benjamin Netanyahu chuan a hun hmaa inthlanna hi neih a rawt leh a, inthlan hmaa mipui ngaihdan laknaah Likud Party leh Blue and White party te chu inbei tawk hle tura ngaih a nih avangin party tenau dangte chu sorkar din kawngah an pawimawh hle dawn nia ngaih a ni.

Likud leh Blue and White te hi Seat 120 awmna Knesset ah seat 35 ve ve luah lai an ni a, Likud party hruaitu Prime Minister nilai Benjamin Netanyahu chuan party tenau dangte puihna nen sorkarna siam theihna khawp thlawptu a nei dawn niin a sawi a, campaign beihpui thlak tawp lamah erawh mipui ngaihdan lakkhawm a\angin Likud Party dinhmun tur hi a chiang lo hle thung.

Israel rama cheng mi maktaduai 5.88 te zinga zaa 68 velin vote an thlak beisei a ni a, zing dar 7 a\angin vote thlak theih hun hawn a ni a, Polling station 11,163-ah mipuiten vote an thlak a ni.

Israel inthlanpuiah hian party hrang hrang 31 ten seat awm zawng zawng 120 an in chuh a ni. Tun \um hi kum khat chhunga Israel rama inthlanpui vawi hnih buatsaih a nih \um khatna a ni a, April ni 9 khan inthlanpui hi neih a lo ni tawh a ni.