Israel PM Benjamin Netanyahu-a’n Russia khawpui, Moscow a tlawh a, President Vladimi Putin nen an inkawmna-ah Syria chungchang an sawi

0
397
views

Netanyahu chuan Russia thlawp, Syria President Bashar al-Assad chu paihthlak an tum loh thu Putin hi a hrilh a, an \anrual pui, Iran sipaite erawh chu Syria a\anga inhnukdawk tura an duh thu a hrilh bawk. Assad-a sipai-te hian Israel ramri dep, Golan Heights hnaih lama awm hel pawlte awmna hmun an thlen hnaih tawh avangin a inralring hle a, helai hmun hi kum 1967-a an indo \uma Israel-in tihluihnaa a awp a nih vangin, ramri nek zawnga che turin Assad hian a thurualpui, Iran sipai leh Hezbollah sipaite thu a pek mai an hlau hle a, hemi chungchangah hian Israel chuan Syria-a Iran sipaite inrawlh lo tur an duhna leh Russia-in Assad-a sorkarna chelh chhunzawm tir an duh chu thil inkalh angin lang mahse, a taka thlen tir theih a nih thu an lo sawi tawh a ni.