Ivanka Trump-in Huderabad thleng, GES-ah America sorkar aiawhin tel dawn

0
369
views

US President, Donald Trump-a fanu, a pa Adviser, Ivanka Trump chuan Hyderabad a thleng a, Global Entrepreneurship Summit (GES)-ah America sorkar aiawhin a tel ang. Ivanka hi sumdawng a ni a, a pi, Elizabeth Christ Trump-i company din, a pu, Fred Trump-a leh a pa, tuna US President Donald Trump-a’n an enkawl zui zel, The Trump Organization-ah executive vice president a ni a, Fortune magazine-in kum 40 hnuai lam mi hlawhtling a thlan chhuah zingah a tel tawh b^kah World Economic Forum pawhin Young Global Leader-ah a thlang tawh a ni. The Trump Organization-a a tel hma, 2005 khan Forest City Enterprises-ah rei vak lo a thawk a, a hnu-ah Dynamic Diamond Corporation nen an thawk ho a, tlereuh lama sumdawnna, Ivanka Trump Fine Jewelry an din a ni. A nu\a pahnih, Eric leh Donald Jr. nen Trump Hotels an din leh a, khawvela hotel nuam leh changkang chin company \hang chak ber a ni leh bawk. Hengte b^kah pawh hian sumdawnna dangah hlawhtling takin a inhmang a, PM, Narendra Modi-a sawmna angin Hyderabad-a Global Entrepreneurship Summit vawi 8-naah thu a sawi ang. He intawh khawmna ropui takah hian ram 150 chuang a\angin sumdawnna lama mi langsar leh hlawhtling 1,500 zet an tel a ni.