J Jayalalithaa thih dan leh dam loh chungchang chhui tur Tamil Nadu sorkarin ruat

0
338
views

Tamil Nadu CM hlui, J Jayalalithaa-i thih dan leh a damloh chungchang chhui chiang turin state sorkar-in High Court Judge chawl tawh, Justice Arumugasamy chu nimin khan a ruat a, thla thum chhunga a report pe turin a ti bawk. Thuthar la khawmtute chuan Jayalalithaa-i inenkawlna lehkha an hai chhuah-ah chuan damdawi ina a luh ni, September ni 22 khan th^wk lamah harsatna a nei nain, a \awng peih a, a biak theih bawk tih a inziah bakah, pneumonia a nei nia rinhlelh a nih thu te pawh a inziak tih an sawi. Pi Jayalalithaa thih dan chhui chiang tura ruatte hi damdawi ina hruai a nih dan leh enkawl a nih dan te kimchang taka chhui vek tura hriattir an ni a, \ul leh \ha a tih dan ang ang a hna thawk turin Arumugasamy hi zalenna pek a ni. Puan tawh angin AIADMK party phel tur inzawm khawm leh dawn khan, O Panneerselvam chuan Pi Jayalalithaa thihna chhui chian hi a lo phut tawh a, damdawi ina Jayalalithaa tlawh phalsak awm chhun, VK Sasikala-i a inhnamhnawiha an puhna nemngheh an tum ruh hle a, Jayalalithaa-in damdawi ina thil a ei lai hmu nia insawi, state Forest Minister, Dindigul Srinivasan chuan khatih lai khan Sasikala an hlauh avangin amah leh minister dangte pawhin dawt an sawi niin a lo sawi tawh a, Minister dang pakhat, Sellur Raju erawh chuan a thawhpui dangte nen Jayalalithaa hi damdawi ina an hmuh thu a sawi ve thung a, thu inkalh tak tak a tam em avang hian eptu pawl, DMK pawhin CBI koh luh an phut mek bawk a ni.