Jacob Zuma paihthlak chungchangah ANC Party hruaitute thukhawm dawn

South Africa ram hruaitu Jacob Zuma paihthlak leh paihthlak loh tur thuah rorellai African National Congress ANC Party hruaitute an thukhawm dawn. ANC National Executive Committee hian Jacob Zuma hi President atanga inhnukdawk tura a tih rin a nih thu BBC Africa Corespondent Andrew Harding chuan a sawi a, ANC President Cyril Ramaphosa chuan President chungchangah hian an inlungrual chiah lo tih nimin khan a sawi. Kum 75 mi Zuma hian kum 9 ro a rel chhungin eirukna thubuai thahnem tak awrh tawh a ni. December thla atang tawh khan Zuma bang tura phutna hi a lian sawt hle a, ANC President a Ramaphosa thlan tlin a nih hnuah phei chuan bantir phutna hi a nasa zual a ni.