James Show Jr a’n a huaisen vang ai mahin ama sahimna tura che a nih thu a sawi

US Tenessee Nashville-a Waffle House chaw zawrhna hmuna mi pali kaphlumtu kut a\anga silai pawhthlak saktu James Show Jr a’n a thil tih chu huaisen vang ai mahin ama sahimna tura che a nih thu a sawi. James Show hi Nashville Mayor chuan mi huaisen leh ropui a ni a ti a. Shaw ve thung chuan ama sahimna tura che mai niin a insawi ve thung. Silaia mi pawng kah chiamtu kum 29 mi Travis Reinking hi man tuma zawn mek a ni a, amah hi nikum lam khan Nashville White house bulah kal phal lohna hmuna a kal avangin man a lo ni tawh tih Police te chuan an sawi. Pawikhawihtu hian zing lam dar 3.25 ah Waffle House hi luh chilhin semi-automatic rifle hmangin restaurant chhunga lo awm te chu a pawng kah chiam a, mi 4 a kahhlum hnuah James Show hian he pa hi bei thutin a kut a\ang hian a silai hi a pawh thlak sak a ni. James Show hian chanchinbumite hmaah midang nunna tam tak ka chhan tih a inhriat laiin, terminator emaw, superman emaw mi ropui tak angah emaw miten an ngaih a duh loh thu a sawi.