Mipui thununna hmanraw chikim nena in thuam police tam tak awm laiin, an bul hnai teah silai keng hian a silai a hmetpuak a, video thlalak darh a\anga a lan danin silai hmetpuaktu hi mipa, jacket dum leh kekawr var inbel chuan police tam tak awmna hmunah a silai hi a hmet puak a, ‘Hei hi I zalenna chu a ni’ tiin a au bawk a ni.
Silai a hmehpuah hnuah hian police ten tam hnehin an man nghal a, zirlai pakhat a kah hliam hi Shadaab Farukh a ni a, All India Institute of Medical Sciences AIIMS ah hruai a ni.
Thla kalta khan Jamia Millia Islamia University ah hian CAA dodalna vangin tharum thawhna a lo chhuak tawh a, khami \um khan police te chu hleihluak taka cheah puh an ni, tun thla tir lam khan JNU-a zirlai leh zirtirtute chu misual \henkhatin luh chhuahin kut an lo thlak chiam tawh bawk a ni.
