Jammu & Kashmir-a Director General of Police, Dilbag Singh chuan mifirfiak 200 a\anga 300 vel J&K-ah an awm niin a sawi a, Pakistan-in mifirfiakte chu thlasik thlen hmaa an chet vat theih nan a pui niin a sawi bawk.

Dilbag Singh chuan ramri kaltlanga J&K state-a an luhruk theihna tur ruahmanin mifirfiakte chu an inbuatsaih nasa hle niin a sawi. Dilbag Singh hi Poonch district-ah ramri venhimna hnathawh dan enthlithlaiin a kal a ni. DGP hian mifirfiak a tam thei ang ber India-a an luh theih nan Pakistan chuan dan a bawhchhia niin a sawi a, Kanachak, RS Pura leh Hira Nagar-ah te chuan inkahna tenau a thleng reng a, Poonch-a line of control, Rajouri, Uri, Nambla, Karnah leh Keran-ah chuan a khat tawkin an inkap reng tih a sawi bawk.

DGP chuan Article 370 paih vang J&K-a thil thleng hrang hrang a sawinaah Jammu, Leh leh Kargil te chu a ralmuan thu leh Kashmir-ah pawh khawsak phung zawi zawiin a pangngai chho zel niin a sawi.