Chhanchhuah hnathawktu pawl leh sipaiten thli tlehin a ken tel, tuiliana tang te chhanchhuah hna thawkin, chenna in chhia te an thianfai mek a ni. Hagibis thlipui hian ruah nasa tak a keng tel a, lui hrang hrang a lian a, Chikuma lui chu hlauhawm chhinchhiahna chin pelin a lian a, chenna in tam tak a chim pil bakah in chhawng \henkhat chu a chhawng hnihna thleng te-in a chim a ni.
Hetihlai hian Chikuma lui bula awm, Beer siamna hmun Nagano craft beer maker Yoho Brewing-a thawk, mi 40 vel chu an him vek a ni.
Sipai leh kang\helhtu pawl, helicopter hmanga chhanchhuah hna thawktuten an chhanchhuah zinga mi nu pakhat chu helicopter a\angin a tla thla a, a thi a ni.
Tokyo hmar thlang lam, Kawagoe-ah chuan in chhawng sangte pawh tuilian hian a chim pil vek a, lawng hmangin chhanchhuah hna thawh a ni.
Inrinni zan dar 7 vel khan darkar khat km 216-a na Higibis thlipui-in Japan thliarkar Honshu a nuai a, hemi hnu lawk hian Tokyo-ah magnitude 5.7-a na-in lir a nghing zui bawk a ni.
Thlipui tlehin chhiatna a thlen-a chhanchhuah hna thawk tur hian mi nuai 1 sing 1 chuang tirh an ni.
