Japan-ah Typhoon Hagibis thlipui darkar khata km 252-a thawk tura hmuhlawk a nih vang leh kum 60 liamta a\anga ruah a sur nasat ber \um thleng tur anga hmuh lawk anih avangin thlawhna thlawk chhuak leh \um tur te cancel vek a ni a, mipuite inralring tura hriattir an ni bawk.

Khawchin thlirlawkna-in a tarlan danin typhoon hian Inrinni-ah Tokai emaw Kanto ram bial vel a nuai hmasa dawn a, hei hian tuifawn nasa tak a thlen dawn bakah ruahtui tam tak pai tel tura ngaih a ni bawk.

Meteorological Agency-a forest division hotu, Yasushi Kajihara chuan kum 1958-a Japan ram laili leh khawchhak lama tleh thlipui typhoon, mi 1,200 vel an thih phahna nen khan a nat zawng a inan an ring tih a sawi a ni.

Japan ram mipuite chu typhoon thawk laka an him nan insaseng hma tura hriattir an ni a, he thlipui hian chirh tawlh te, tuilian te, ruah bawhawk te a thlen theih vangin mahni sahimna tur lo ngaihtuah lawk turin mipuite chu thuneituten an ngen a ni.