Diamond Princess lawnglian-ah hian passenger zinga 542 zet chuan Coronavirus hi an kai a, China ram pawn lama hmun pakhata he virus kai tamna ber a ni. Passenger te hian lawnga hren an nih chhungin hrehawm an ti hle tih an sawi a, lawng-a chuang zingah kai thar an awm belh zel avangin ram engemawzatin an mi leh sa te chu an lo la chhuak tawh a ni. Pathianni khan US chuan a khua leh tui mi 100 bawr te he lawng a\ang hian a hruai chhuak a, UK pawhin an ram mi 74 te chu tunkar tawp lamah hruai haw theih a inbeisei tih a sawi.
British mi nupa pakhat he lawnga chuang ve te chuan an dinhmun hi social media kaltlangin an puang chhuak reng a, he virus hi an kai ve tawh tih an puang a ni. US, Canada, Australia leh UK chuan lawng a\anga chhuahtir an ram mi leh sa te chu ni 14 chhung an khung hrang dawn tih an sawi.
Coronavirus, Convid-19 hi Chinaah chuan mi 2001 in an thihpui tawh a, China bikah mi 74,185 in he virus hi an kai tih finfiah a ni tawh a, khawvel hmun dangah mi 700 bawr vel he virus kai hi an awm tawh bawk a ni.
