J&K-ah BJP-in PDP an thlawpna an sut, sorkarna thiat

0
432
views

Sorkar laipuiin J&K-a inkahhai a tihtawp hnu lawk hian, state sorkarna chelhtu, People’s Democratic Party, PDP chu an thawhpui theih tawh loh thu leh, an thlawpna an hnuk dawk tih BJP chuan a sawi. J&K-ah hian BJP hi MLA ngah ber pahnihna a ni a, PDP nen hian \angdunin sorkarna an siam a, an party Vice President, Ram Madhav chuan ram pum leh state chhunga an party mi pawimawh-te nen an sawiho hnuah, PDP thawhpui tawh lo tur leh an thlawpna pawh hnukdawk nghal turin an rel ta niin a sawi a, an party mi Cabinet Minister ni mek leh MLA dangte pawhin state larsap hnenah an banna an thehluh thuai tur thu leh J&K chu Governor’s Rule-a awm tir mai an duh thu a sawi bawk a ni.

He thil thlen hnu lawk hian PDP hruaitu leh J&K CM ni lai, Mehbooba Mufti chuan a banna a thehlut thuai dawn niin an party hruaitu Naeem Akhtar chuan a sawi a, hemi chungchang hi sawiho turin tlai lamah khan Pi Mufti chenna inah an party hruaitute an inhmukhawm a, an thurel hriat theih a la ni rih lo a ni.