J&K-ah mipui leh police innawr buai

0
532
views

J&K chhim lama Pahalgam bialah tukin khan mipui thinrim leh police an innawr buai a, silai hmeh puah a nih avangin mi 4 vel an hliam. Hmeichhiate hrai ruih a, an sam tan luihsak \hin nia sawi chungchang avangin mipuite hian lungawi lohna an lantir niin police-te chuan an sawi a, tualchhung mite chuan hmeichhiate sam tansak \hintu chu an man tawh niin an sawi a, amaherawhchu an mi man hi police-ten an laksak avangin buaina hi a chhuak ta niin an sawi a ni. A hmuna awmte sawi danin, nimin khan Kupwara khuaah sipai pakhat chu tualchhung mite’n hmeichhiate sam tansak \hinah puhin an sawisak rawn a, he sipai hi an khawih nat lutuk hmain police-in an chhan hman nia hriat a ni. Kashmir-ah hian hmeichhiate sam tan luihsak ang chi hi \um za vel a thleng tawh nia sawi a ni a, ni khat lek kal ta chhung khan \um ruk vel a thleng hman a, state khawpui, Srinagar-ah pawh he thil avang hian mipuite chuan nawrh an huaihawt a ni. Kumin kum tir lamah khan hmar lam leh Delhi khawpuiah pawh hetiang thil hi a lo thleng tawh a, AIIMS-a Psychiatry dept. hotu hlui, Dr Sudhir Khandelwal chuan Kashmir-a thil thleng hi a la enfiah chhin loh avang a chhan a hriat bik loh thu lehj, kum tir lama thil thleng kha chu mi \henkhat tih ^t-a an awm vang a nih an rin thu a sawi a ni.