J&K-ah sipai-ten beihpui thlak, sipai 5 thi tawh

0
383
views

J&K Kupwara bial ramhnuaia mi firfiak pawl tawmte um chhuah tumin sipaiten beihpui an thlak. Vawiin hi he beihpui thlak a nih a\anga a ni hnihna a ni a, an inbeihna-ah hian sipai 5 an thih tawh bakah, mi firfiak pawl zing ami panga an kaphlum tawh niin thuneitute chuan an sawi a, an inbeihna hmunah hian sipai an tirh luh belh mek thu leh, mi firfiak pawlte awmna tak hi hriatchhuah tum hian, ral a\anga thunun theih thlawhna-te an hmang tih an sawi bawk a ni. J&K DGP, SP Vaid chuan mi firfiak an kahhlum tak zinga 4-te chu finfiah an ni tawh tih a sawi a, an la inkah mek avangin thi zat hi chiang taka an la sawi theih loh thu leh, a la pun an rin thu a sawi bawk a ni. Sipaite’n beihpui an thlakna hmun hi Line of Control-a khaw hla ber a ni a, khua a\angin ramri hi km 20 vel leka hla a ni a, helai hmunah hian ramri kana lutru te an tawm \hin bakah, hel pawl leh mi firfiak pawlte pawhin veivahna atan an hmang nasa hle nia hriat a ni bawk a ni.