Kabul-a muslim biakinah thihchilh bomb puak

0
584
views

Afghanistan khawpui, Kabul-a Shia Muslim biak inah nimin khan mi firfiak pakhatin thih chilh bomb a tipuak a, mi 30 vel an thi a, mi dang 15 vel an hliam. Afghanistan sorkar hotute sawi danin, thihchilh bomb tihpuah a nih lai hian mi firfiak dangte chuan he biak in hi an luhkhung a, tawngtai inkhawma kal civil mi 10 vel an that a, hemi hnu hian police-te nen inbei zuiin, mi firfiakte hian police eng emaw zat an that bawk a ni. Police-te hian biak in chhunga awm, mi 100 vel an chhanchhuak a, Public Health Ministry thupuangtu chuan hliamte chu damdawi inah dah nghal an nih thu a sawi. Tun hma pawha Shia Muslim ho lo bei fo tawh thintu, Islamic State mi firfiak pawl chuan he thil hi an tih niin an sawi a, a hmuna awmte chuan biak in hi mi firfiak pali-in an bei niin an sawi.