Heng mite hi an hming hmerhin Police te chuan thubuai an siam sak a, a tam zawk chu hmeichhia niin, Urdu hla phuah thiam hmingthang, Munawwar Rana fanu, Sumaiya Rana leh Fauzia Rana te pawh an tel a ni.
CAA duhloh lantirtute hi a tirah chuan hmeichhe 50 vel an ni a, naupang leh hmeichhe dangte zawm zelin, sang an chuang a ni.
Police te chuan lungawilohna lantirtu mi 100 chuang, hming tarlan loh te chu Dan palzutah an puh a ni.
An intuam lumna tur leh an inhraipuarna tur te chu Police ten an laksak niin lungawiloa pungkhawm mipuite chuan an sawi a, Lucknow Police te chuan thu dik lo vawrhdarh lo turin an hriattir a, hemi hnu hian blanket an mansak chhan an sawifiah leh a ni.
