Karleh-a India rawn tlawh tur, US President Donald Trump-a chu a fanu Ivanka leh a makpa Jared Kushner ten an rawn zui dawn a, US National Security Advisor Robert O’ Brien, Secretary of the Treasurty Steve Mnuchin, Commerce Secretary Wilbur Ross leh Secretary of Energy Dan Brouillette te pawh Trump-a zuitu turte zingah an tel.

Sumdawnna lama US aiawhtu Trade representatives Robert Lighthizer erawh a tel dawn lo a, ani hi US leh India insumdawntawnna tura India Commerce Minister Piyush goyal nena inbe ber an ni a, duhdan inang lo tam tak an la neih avangin an inbiakna hi a hmawr an la bawk lo a ni.

Kum 38 mi Ivanka Trump leh kum 39 mi Kushner te hi US President tana senior Advisor ve ve an ni.

US President leh a \huihhruaite hian Thawh\anni ah Ahmedabad an thleng ang a, Trump-a leh Prime Minister Narendra Modi te chuan Sardar Vallabhai Patel Cricket Stadium-ah mipui hmaah thu an sawi ang a, hemi hnu hian Agra an tlawh ang a, thlawhna hmangin Delhi an pan leh dawn a ni.