Thawh\anni khan Congress party chuan an MLA panga te chu an bepawp leh tawh tih sawiin, MLA pathumte chu Mumbai hotel pakhatah BJP hruaitu lawkten rim thluk tumin an bei nasa hle niin an sawi a, Chief Minister HD Kumaraswamy chuan an MLA te hi BJP chuan thil tam tak an tiam niin a sawi.
Nimin khan independent MLA pahnih Congress leh Janata Dal Secular party \angdun sorkar thlawptute chuan sorkar an thlawpna an hnukdawk a, hei hi BJP in sorkar dinglai sawi nghin a tumnaa ngaih a ni. HD Kumaraswamy kaihhruai Karnataka sorkar an thlawpna hnukdawktu Independent MLA pahnihte hi H Nagesh leh R Shankar te an ni a, anni tel lo hian congress leh JDS chuan MLA 116 an la nei a, majority nei tura MLA neih ngai zat 113 chu an la khum tho a ni.
Hetihlai hian BJP chuan a MLA neih zawng zawng 104 te chu Delhi bul Gurgaon ah a phur chhuak vek a, Party erawh chuan hei hi Lok Sabha inthlanpui lo awm tur atana inbuatsaihna niin an sawi thung.
