India chuan ramria buaina chingfel tur hian China chu military level-ah inbiak a duh tih a hrilh a, China hian India sawmna chu pawmin Chushul-Moldo-ah tun thla ni 6, Inrinni khian an inbe dawn a, India aiawha inbiaknaa tel tur te chu 14 Corps Commander, Lieutenant General Harinder Singh-a’n a ho dawn a ni.
India chuan China sipaite chu Line of Actual Control-ah dan pangngaiin an patrol tih a sawi a, kum 1962-a India leh China an indo hnu lamah tuna sipai innghirnghona hi ram pahnihte inkara boruak san ber \um a ni.
US President, Donald Trump-a’n ram pahnihte inkar buai chingfel tura palai hna thawh a hreh lo tih a sawi laiin, US House of Representatives Foreign Affairs Committee hotu, Elliot Engel chuan Line of Actual Control-a China-in India nek chu pawi a tih thu a sawi a, ram leh ram inzahtawn taka palaite kaltlanga he buaina hi chingfel turin China a ngen a ni.
