Kashmir-a hel leh sipaite inbeihna thlengah mi 20 thi

India awp, Kashmir-a hel pawl te leh sipaite inbeihnaah mi 20 an thi a, midang 70 zet an hliam bawk. AFP News Agency sawi danin mi 4 chu Police ten lunga anmahni vawmtu mipui lam hawia silai an hmehpuah avangin an thi a, Kashmir thuneitute chuan tun hnaiah ni khat thil thua buaina chhuak lian ber a nih thu an sawi. Kashmir hi India leh Pakistan ten an inchuh reng lai a ni a, buaina lian tak tak a lo chhuak fo tawh \hin a, Civil mi te bakah hian India sipai 3 leh hel pawl nia hriat mi 13 te nimina buaina chhuakah hian kahhlum an ni. Kashmir-a cheng mipui tam takin hel pawl, independence beitute hi an thlawp a, mi tam takin Pakistan lam an thlawp bawk.