Kerala chhiatna tawh tanpuina tura United Arab Emirates in cheng vbc 700 pek a tum dawn tur leh tur lohah inhnialna a tam hle laiin, UAE chuan sum pek tur zat tih chian a la nih loh thu leh sum pek a ni dawn tih pawh puan chian a la nih loh thu a sawi.

0
312
views

 

Kerala Minister ten UAE in \anpuina sum pek a tum thu hi sawi uar hle mahse, Inria rama UAE palai Ahmed Albana chuan an ram sorkar in Kerala chhiat tawkte \anpuina tur sum pek dan tur ngaihtuah tur hian hapta liamta khan committee a din tih bak thil thar a awm lo tih a sawi nawn a, he committee hian India Ministry of External Affairs te berawn chunga hmalak a tum a ni a ti a, Sum pek tur zat hi official-a puan chian a la awm lo tih a sawi bawk.

UAE Prime Minister Sheikh Mohammad bin Rashid Al Maktoum chuan August ni 18 khan Kerala \anpui dan tur ngaihtuahtu committee an din thu Tweeter ah a puang a ni. UAE ah hian India mi maktaduai 3 vel hnathawkin an awm a, heng zinga zaa 80 vel zet chu Kerala mi an ni.

Central sorkar chuan Kerala \anpuina turin khawi ram mahin sum thawh an tum thu hriattirna a la dawng lo tih a sawi a, Kerala Chief Minister Pinarayi Mijayan chuan UAE in Kerala chu cheng vbc 700 in a \anpui dawn tih August ni 17 khan tweeter ah a puang a thung.

Kerala sorkar hian Prime Minister Narendra Modi chu ramdang a\anga \anpuina an dawn tur phalsak lohah a puh a, Kerala Minister dangte pawhin central sorkar demna thu an sawi hlawm bawk.