February ni 21 khan Europa League-ah Olympiakos leh Arsenal te an intum a, Olympiakos neitu-in Covid-19 a vei tih finfiah a ni.
Hetihlai hian UK health minister, Nadine Dorries chuan Covid-19 a vei tih finfiah a ni bawk. Coronavirus \aidarhna hmun Wuhan-ah coronavirus in ziaawm lam a pan chhoh tak avangin industry pawimawh tak tak te chu hna thawk \an leh tawh tura tih an ni a, hetihlai hian Bank of England chuan sum dah punna chu za zela 0.75 a\anga 0.25 in a tlakhniam tir a ni.
US-ah chuan Covid-19 vei mi 1,000 chuang an awm tawh a, New York-ah chuan New Rochelle-a mipui khung hrante tan sipaiten eitur an pe a, Google chuan a hnuaia hnathawk North America mite chu in lama hnathawk turin a hriattir bawk.
Khawvela rimawi kut lian ber, Coachella neih tur pawh a hun sawn hlat a ni a, October thla thleng ngaihchan rih a ni ang. Austrialia chuan an ram dollar tluklehdingawn 2.4 chu damdawi leh damdawi lam hmanrua atana hman turin a dah a ni.
British khualzin phur lawng Grand Princess chu US lawng chawlhhmunah enfiah a ni a, hemi hnua khualzinte chu Britain-ah phurh haw an ni tawh a, an zinga British mi 135 vel chu Birmingham-ah an \um ang a, kar hnih chhung khung hran an ni ang. Hetihlai hian British pound pawh a hlutna a tla hniam \an a, cent 1 chu dollar 1.2830 nen a intluk tawh a ni.
