Khawvela bank lian ber pakhat HSBC in an hlep a tlakhniam nasat avangin thawktu mi 35,000 zet ban an ni dawn tih a puang.

Kum 2022 ah chuan an sum hmanral \hin dollar tluklehdingawn 4.5 vela tih hniam an tum a, bank interim chief executive, Noel Quinn chuan HSBC chuan hnathawktu 235,000 a\angin 200,000 ah tih tlem a tum tih a puang a ni. HSBC hian Asia a\angin sum a hlep tam ber a, chhiah chi hrang hrangte paih anih hnuah kum khata an hlep chu dollar tluklehdingawn 13.35 a tling a ni.

Hnathawktu 35,000 vel zet an bantir tur hian nghawng a nei na hle dawn a, hei hi tuna hnathawktu an neih mek a\anga zaa 35 vel zet a tling phak a ni.

HSBC hi ram 50 chuangah a inzar phah a, an hmunpui UK ah chuan mi sing 4 chuang thawktu an awm a ni.