Tun dinhmunah Italy, Spain leh Germany chu hri \ai darhna hmunpui ber an ni tawh a, Italy-ah chuan nimin khan coronavirus vanga thi mi 627 chuang an awm tih finfiah a ni a, Italy-a coronavirus vanga thi tawh zawng zawng chu mi 4,032 an tling tawh a ni.
Spain-ah chuan mitthi 1,000 chuang awm tawhin Iran-ah chuan mi 1,400 chuang an thi tawh bawk. Hetihlai hian Iran-ah chuan Persian New Year an hman \an hun tur a thleng mek a ni.
WHO tarlan danin khawvel pumah mi 2,35,000 vel vei tawh anga chhut a ni a, mi 10,000 vel an thi tawh a ni. Hetihlai hian United States-a Johns Hopkins University chhut dan chuan ram 166 a\angin mi 2,60,000 vei an awm tawh a, chung zinga mi 87,000 chu enkawl dam ni tawhin, mi 11,000 chuang an thi tawh bawk. Enkawl dam zinga a tam zawk chu China mi an ni tih Johns Hopkins University mithiamte chuan an tarlang bawk.
