Khawvela sana lian hmingthang ber, London-a British Parliament-a “Big Ben” an tih chu chei that a nih dawn avangin, tun thla ni 21 atang hian, kum li vel a reh rih dawn a, hei hi vawiin khan House of Commons-ah puan a ni. He sana lian, ton 13.7 a rit hi kum 157 vel chhung, darkar tin a lo ri tawh a, tuna a reh chhung pawh hian hun pawimawh bik, kum thar dawn ni angah te chuan tihrik tho a ni ang a, hun dangah chuan a ri tawh dawn rih lo a ni. An chei that chhung hian he sana lian peng tin hi thlawna enfiah vek a ni dawn a, tihfai leh chei that a tul theih dan zawng zawng endik vek a ni ang. He sana lian hi a chawlh chhung hian thlawn dawn mah se, a hmelhmang chu tarlan reng a ni tho dawn a, a khawl erawh chu thiah a ni dawn a ni.
Chanchin Thar Khawvela sana lian hmingthang Big Ben chei tha dawn, kum 157 hnuah...
