Gan Sabra-ah hian RFL Plastic lamain naupang te tan tui bottle \ha tak tak an pek te leh rose par bakah Pran-in naupang te eitur an thawh te Miss contestant te hian an sem a, Piece of Cake-in he event atana an siam V-Day cake an zai nghal bawk. Gan Sabra-ah hian naupang ten hla remin anmahni tlawhtute hi an lo lawm a, hetianga Miss contestant rualin an tlawh vawikhatna a ni a, naupangten nuam an tiin, programme hlimawm tak an hmang ho a ni.
Old Age Home an tlawhnaah 3:16 Plan Solution neitu Pu John Lalpeka’n washing machine a pek chu Miss Mizoram contestant te hian an hlan a, Piece of Cake lamin V-Day cake an tum sak chu zaiin, home a awmte chu rose par an pe a, hlim takin an inkawm ho a ni.
Old Age Home-ah hian ‘Kan Pathianin min hruai zel \hin’ tih hla chu contestant te leh a hmuna awm ten rimawi hmanrua tel lovin hnukulh \euhin an sa a ni. Miss Mizoram 2020 judge zinga mi Pi Lucy Sailo chuan, “Valentine’s Day a hman \hat ber \um a la ni tih a sawi a, kum upa te ngaihthah loh zel a pawimawh a, Valentine’s Day chu \halai inhmangaih te tan chauh a ni lo a, kum upa leh naupangte zahna leh hmangaihna lantirna nia hman chu thil inhmeh tak a ni a ti.
Gan Sabra leh Old Age Home an tlawh hnuah Valentine’s Day puala thisen pekna hmun Dawrpui Multipurpose Hall-ah ‘Miss’ contestant-te hi kal lehin, thisen petute hnenah rose par an hlan a, thisen petute nen inkawmin mipui hmaah an inlan a ni.
