Thisen pe tura midangte fuih phurtu pawl, Association for Voluntary Blood Donation (AVBD), Mizoram State AIDS Control Society (MSACS) leh blood bank-te \ang ho chuan kum 2010 a\ang tawh khan Valentine’s Day apiangin thisen pek runpui hi an lo buatsaih tawh \hin a, kumin hi a vawi 11-na a ni tawh a, tun \umah pawh hian Aizawl leh District khawpui hrang hranga \halai rualte chuan an hmangaihna lantirin thisen hi an pe leh a, mipa 725 leh hmeichhia 389 zetin thisen unit 1,114 an pe a ni.
Thisen pek runpui buatsaihna hmunpui ber, Aizawla Dawrpui Multipurpose Hall-ah chuan Aizawl Mayor Pu PC Lalhmingthanga’n thisen pe tura pungkhawm \halaite hmaah thu a sawi a, AVBD President Pu C Lalnunnema sawi danin kum 2010 leh 2019 inkarah Valentine’s Day pual hian thisen unit 6,211 pek a ni tawh a. Vawiina pek nena belh khawm chuan he ni puala thisen pek hi unit 7325 a tling ta tihna a ni.
Valentine’s Day puala thisen pek runpuiah hian Miss Mizoram 2019 Thanthani, Mizo filmstar lar Rosangpuii leh model leh zaithiam lar tak takte’n thisen pe apiang hnenah rose an pe zel a, zaithiamte an zai reng bawk a ni.
Valentines Day puala thisen pek runpuiah hian Aizawl Civil Hospital blood bank a dah turin mipa 309 leh hmeichhia 134 ten unit 443 an pe a, Synod Hospital-a dah turin mipa 27 leh hmeichhia 14 in unit 41 an pe a, Referral Hospital atan mipa 38 leh hmeichhia 35 ten unit 73 an pe a ni.
Mamit ah chuan mipa 15 leh hmeichhia 13 in unit 28 an pe a, Champhai ah chuan mipa 82 leh hmeichhia 31 ten unit 113 an pe a, Kolasib ah mipa 55 leh hmeichhia 39 ten unit 94, Serchhip-ah mipa 36 leh hmeichhia 28 in unit 64, Lunglei-ah mipa 92 leh hmeichhia 38 ten unit 130, Lawngtlai-ah mipa 22 leh hmeichhia 41 ten unit 63 leh Siaha ah mipa 48 leh hmeichhia 16 in thisen unit 64 an pe a ni.
