Kim Jong Un-a’n a farnu kaisantir

0
492
views

North Korea hruaitu lu ber, Kim Jong Un-a chuan rorel lai pawl, Workers Party \hut khawmnaah a farnu, Kim Yo Jong-i chu party thutlukna pawimawh leh lian siamtu, Central committee member-ah a kaisantir a, kum 30 mi, Kim Yo Jong-i hi kum thum kal ta khan party hruaitu zingah telh a lo ni tawh a ni. Kim Yo Jong-i hi a nu\a pa, Kim Jong Un-a, vantlang mipui mithmuha a lan dan buaipuitu ber nia hriat a ni a, a nu\a a \awiawm lai pawh hmuh tur a tam hle a, politics lamah phei chuan Kim Jong Un-a hnena thurawn petu pawimawh berte zinga mi nia ngaih a ni. Kim Jong Un-a chuan a farnu kaisan tir a nih chungchang hi Inrinni-a an party \hut khawmnaah a puang a, North Korea hruaitu lu hian sorkar mi pawimawhte hna chanpual a siksawi nghal a ni. Kim Yo Jong-i hi North Korea-a mihring dikna leh chanvo palzutna thila inhnamhnawiha puh a nih avangin US sorkar chuan a lo chhinchhiah tawh a ni.