Kirkuk khawpui inchuhin Iraq sipai leh Kurdish sipaite inkap

0
979
views

Kirkuk khawpui inchuhin Iraq sipai leh Kurdish sipaite chu vawiin khan an inkap a, darkar thum vel an inbeih hnuah, khawpui hi Iraq sipaiten an la thei ta nia thu dawn a ni. Iraq sipai thupuangtute chuan an khawpui lak let an tumna-ah hian Kurdish mi te hian rocket leh silai puak rang chi leh grenade an hmang nasa hle tih an sawi a, an zinga a tam zawk an tlanchhiat avangin, inbeihna nasa zawk a thleng lo niin an sawi bawk. Kirkuk bula awm, Altun Kupri pawh Thawh\anni khan Iraq sipaite hian an lo la tawh a, kum 2014-a Islamic State mi firfiakte an chet nasat lai khan Iraq sipaite hian he hmun hi an chhuahsan a, Kurdistan hnaih tak awm, Kirkuk-ah hian Kurdish te hi lutin, IS mi firfiakte lak a\angin he khawpui hi hlawhtling takin an veng a ni.