Korea ram leh a chhehvela buaina chu invauna hmanga chin fel theih a ni lo- China Foreign Ministry

0
442
views

US Defence Secretary, James Mattis-a’n sipai chakna hmanga North Korea beih an hnial loh thu a sawi hnuah, China Foreign Ministry chuan Korea ram leh a chhehvela buaina chu invauna hmanga chin fel theih a ni lo niin a sawi. China Foreign Ministry thupuangtu, Lu Kang chuan, North Korea chungchanga buaina kal zel dan enin, \awngkaa invauna hian engmah a ching fel thei lo tih a lang niin a sawi a, Pu Mattis-a’n US-in South Korea nghawng lova, North Korea beih dan kawng a awm nia a sawi chu chhangin, hetia pawng invau chiam hian buaina a tipunlun zawk a, chinfel a ti harsa telh telh niin a sawi bawk. Puan tawh angin, UN-in nuclear ralthuam en chhin tawh lo tura a nawr fo hnuah leh, khauh taka a hrek hnuah pawh North Korea hian tun thla ni 3 khan nuclear bomb a en chhin a, hemi avanga khawvel ram hrang hrangin na taka an dem hnuah, Zirtawpni khan Japan ram thlawh khumin missile a kap chhuak leh a ni. North Korea hian a ram \henawm, South Korea khawpui, Seoul chu a kap phak reng a, hei vang hian US hian sipai chakna emaw, ralthuam emaw hmanga North Korea a beih chuan South Korea tan hian a hlauhawm thei dawn hle nia hriat a ni.

Pentagon chuan North Korea bulah bomb pai chi indo thlawhna 14 a thlawhtir a, North Korea laka inhrosakna leh an sipai chakna pho lanna a ni. US Defense hotute chuan indo thlawhna zingah hian Japan leh South Korea indo thlawhna te pawh a tel tih an sawi a, Korea ram pahnih inrina hnaiha awm, Pilsung Training Range-ah an ralthuamte an en chhin tih an sawi b^kah, Japan leh South Korea inhnaih berna lai, Kyushu chung zawnah te pawh an thlawk tih an sawi a ni.